KAMMAGIITTA - FRI FOR MOBBERI PILLUGU

Qinngasaaruttarnermik pinaveersaartitsineq, taamaattoqartillugulu ikiuinissaq meeqqat, ilinniartitsisut, perorsaasut angajoqqaallu ataatsimut akisussaaffigaat. Qinngasaartinneq meeqqamut itisuumik sunniuteqartarpoq meeratigiinnullu ataatsimut isigalugu ajoqutaasarluni, qinngasaarutttarneq meeqqat akornanni pisarpat. Taamaattumik illit meeqqanik suliaqartuusutut meeqqallu ilorrisimaarnissaannik akisussaasuusutut qinngasaaruttarnerup pinaveersaartinnissaanik suliaqartussaavutit.

 

Mary Fondenip aamma Red Barnetip, Ataqqinartorsuup Kunngissap Nuliata Maryp suliamik aallartitsinerata kingorna pilersaarut Kammagiitta ineriartortissimavaat. Australiami The Alannah and Madeline Foundationip qinngasaaruttarneq akiorniarlugu suliniarnerat suliamut isumassarsiorfiusimavoq.

Kammagiitta ukunannga tapersersorneqarpoq: Royal Arctic, KANUKOKA, Naalakkersuisut, Kommune Kujalleq, Qeqqata Kommunia, Qaasuitsup Kommunia, Kommuneqarfik Sermersooq aamma  LEGO-Fonden.

 

Kammagiitta tassaavoq kufferti perorsaanermut tunngasunik sakkussanik imalik, imarisaalu soorlu ukuupput: Allattarfiit oqaloqatigiinnermi atugassat, tagiartuineq, akuttoqatigiissarinermi atortut atuakkallu,

illit meeqqanik suliaqartutut qinngasaaruttarnerup meeraqatigiit akornanni pinaveersaartinnissaanut sakkutut atorsinnaasatit. Aamma facebookgruppetinnut ilanngussinnaavutit.

 

Kammagiitta 2011-mi Nunatsinni meeqqanut paaqqinnittarfinni amerlanerpaani, meeqqallu atuarfiini minnerni atuutilersinneqarpoq. Illit meeqqanik suliaqartutut Kammagiittap atortussaatai atorsinnaavatit. Aqutsisorisat suleqatitillu ulluinnarni Kammagiittap qanoq atortarnera akunnissinni eqqartortarsiuk.

Kommunit tamarmik Kammagiittamut tunngasumik sulialimmik attaveqaateqarput, taassumalu kommuninni pikkorissarnernik piareersaaneq kiisalu Kammagiittap qanoq ingerlaneranik malitseqartitsisarneq suliarisarpai aammalu malitseqartitsisarneq suliassarivai. Kammagiittamik aallartitsiniarninni ikiorteqarnissat pisariaqartikkukku imaluunniit Kammagiitta pillugu pitsaanerulerusukkuit sukkulluunniit attavigisinnaavatit.

Kammagiitta ukununnga saaffiginnittuuvoq:

 

• Meeqqat meeqqanut paaqqinnittarfimmiittut aamma 0.- 2. klassit

• Taakku angajoqqaavi

• Meeqqanik paaqqinnittarfinni meeqqanilu atualerlaani minnerni sullissisut

 

Meeqqat aalajangeeqataanissaat, angajoqqaat, perorsaasut ilinniartitsisorlu pingaarnertut peqataatillugit Kammagiita pillugu pilersaarutip pingaartitarai.

 

Kammagiittap uku tunngavigai:

 

• meeqqat akornanni qinngasaaruttarneq inersimasut akisussaaffigaat

• qinngasaaruttarneq akiorniarlugu pinaveersaartitsinermik suliaqarnisssaq pisariaqarpoq

• qinngasaaruttarnermi isiginnaartuuinnartartut akuliuttarnissaat

• akaareqatigiinneq, ataqqinninneq, isumassuineq, sapiissuseq toqqissisimanerlu tunngavigalugit meeqqat ataatsimooqatigiiffissaannik ineriartortitsineq.

 

Bamsi Kammak Kammagiittamut ilisarnaataalluni maskortiuvoq. Taassuma toqqissisimaneq, isumassuineq ikinngutigiinnerlu oqariartuutigai, meeqqallu imminnut paarilluarnissaannik ikinngutigiilluarnissaannillu meeqqat eqqaasittarlugit.