Paasissutissat

Kammagiitta – 2011-mi Nunatsinni meeqqanut paaqqinnittarfinni meeqqallu atuarfiini minnerni amerlanerpaani atuutilersinneqarpoq.

 

Kammagiittap – siunertarivaa nikassaaruttarnerup paasissutissiinikkut pinaveersaartinnissaa, nikassaasarnerlu pillugu meeqqanut sammisaqartitsineq, taakkunani sammineqarluni meeqqat nikassarneqartartut qanoq atugaqartarnersut. Aammattaaq angajoqqaat Kammagiittamut peqataatinneqarnissaat siunertaavoq.

 

Kommunit tamarmik attavigineqarsinnaasumik sulisoqarput, taanna pikkorissaanernik ataqatigiissaarillunilu piareersaasarpoq, pikkorissaasimanernillu malitseqartitsisartuulluni. Sulisup attavigisartakkap qanoq illit kommuninni Kammagiittap qanoq ingerlaneranik malinnaaviginninnissaq suliassarivaa suliaqartullu aqutsisoqatigiivini ilaasortaalluni, soorluttaaq aamma Kammagiittamik ineriartortitseqataassalluni.

Kommuninni inuk attavissaq quppernermi uani nassaarisinnaavat: ”Attavigisigut”.

 

Meeqqat pisinnaatitaaffii pillugit sullissivik MIO Kammagiitta pillugu suliamik ingerlatsisuuvoq, aammalu taassuma qanoq ingerlaneranik ilisimasanik paasissutissanillu ilaatigut katersisarluni. Qaammatit pingasukkaarluit kommunini inuit attavigisartakkat ataatsimeeqatigineqartarput, tassanilu qanoq Kammagiittap pitsanngorsarlugu ineriartornissaa eqqartortarparput.

 

Kammagiitta pillugu oqariartuutip pitsaasup siaruarternissaa, aamma suliniutip ingerlanneqarnissaanik qulakkeerinneqataanissaq MIO-p peqataaffigisussaavaa kiisalu Kammagiittap nittartagaqarnissaa taassumalu ingerlanneqarnissaa qulakkiissallugu.