Meeqqanut siunnersuineq

Meeqqat artorsaateqarunik, saaffiginniffigisinnaasaat arlaqarput. Meeqqatit meeqqalluunniit sullitatit kinaassusertik isertuullugu inersimasumik oqaloqateqarnissaminnik pisariaqartitsippata, sumut saaffiginnissinnaanerat pillugu oqaluttuutissallugit isumassarsialatsialaavoq.

Maluginaruk, inersimasut meeqqamik atugarliortumik pasitsaassaqarunik, qisuariarnissaminnut pisussaaffeqarmata. Meeraq qanoq innersoq qanorlu iliorlusi ikiorsinnaanerissi pillugit angajoqqaat oqaloqatigisigit. Isumaqaruit, meeraq immikkut ittumik ikorfartorneqarnissaminik pisariaqartitsisoq imaluunniit sumiginnarneqartoq, tamanna pillugu isumaginnittoqarfimmut kalerriuteqassallutit pisussaaffeqarputit. Meeqqanik sullissisut kalerriuteqarnissaminnik annertusisamik pisussaaffeqarput.

 

Ukua meeqqanit akeqanngitsumik kinaassutsimillu isertuussilluni siunnersorneqarnissaq siunertaralugu saaffineqarsinnaapput:

MIO

1899-imut SMS-erneq

Meeqqat inuusuttuaqqallu MIO-mut akeqanngitsumik SMS-ersinnaapput. SMS-erutigineqartut tamarmik saaffiginnittarfiup ammanerata nalaani ataasinngornermiit tallimanngornermut nal. 16.00-imiit 18.00-imut siunnersortinit inersimasunit akineqartarput.

 

Oqariartuut ersarissoq www.mio.gl–imi

Meeqqat inuusuttuaqqallu Nunatsinni sumiikkaluartulluunniit kinaassusertik isertuullugu ajornartorsiut pillugu chat-ikkut nassitsisinnaapput, ullullu marluk-pingasut ingerlaneranni akineqarlutillu siunnersorneqassapput. Apeqqut akissullu internetikkut nittartakkamut kia allagarineraa isertuullugu ilineqartassapput, taamaasillutik meeqqat inuusuttuaqqallu allat immisut assingusumik ajornartorsiutillit qanoq akineqarsimanersut.

Attavik – 146

Imminorniarlutik eqqarsaateqartunut imaluunniit imminornermik eqqungaasimasunut oqarasuaatikkut siunnersuisarfik. Kikkut tamarmik akeqanngitsumik 146-mut sianersinnaapput. Oqarasuaat sapaatip akunnerisa ullui tamaasa nal. 19.00-imiit 21.00-imut ammasarpoq.

Meeqqat inuusuttuaqqallu oqarasuaataat – 134

Meeqqat inuusuttuaqqallu akeqanngitsumik Meeqqat inuusuttullu oqarasuaataannut sianersinnaapput siunnersuisartumillu ilinniarsimasumit akeqanngitsumik siunnersorneqarlutik.                                                                                     

134-imut sianersinnaapput. Sapaatip akunnera naallugu ammasarpoq nalunaaqutaq unnukkut arfineq-marluniit qulingiluat tungaanut.

Oqarasuaat sapaatip akunnerisa ullui tamaasa nal. 19.00-imiit 21.00-imut ammasarpoq.

Saaffik

Meeqqat inuusuttuaqqallu kinguaassiutimikkut atornerlunneqartut Saaffimmit ikiorneqarsinnaapput. Meeqqat inuusuttuaqqallu ataasinngornermiit tallimanngornermut nal. 08.00-imiit 16.00-imut 34 60 11-mut sianersinnaapput imaluunniit uunga allassinnaapput: saaffik@nanoq.gl.