ANGAJOQQAANUT ISUMASSARSIAT

Angajoqqaat suleqatissaapput pingaarutillit, nikassaasarnermik pinaveersaartitsiniaraanni. Taamaattumik pingaaruteqarpoq angajoqqaat akisussaaffimmik tigumminnissinnaaqataanerat, aammalu meeraqatigiinnik suliaqarnermut ilanngussinnaanerat, namminerlu meerarisamik saniatigut meeqqanut  allanut iluaqutaasussanik iliuuseqarsinnaanerat.

 

Kammagiitta - Fri for Mobberi mi angajoqqaat sulianut assigiinngitsunut peqataatinneqartarput. Soorlu kuffertimi ilaavoq nalornineq aallaavigalugu oqassisissiaq korti angajoqqaat ataatsimiinneranni atorneqarsinnaasoq, ima ilaatigut imaqarpoq:

 

Illit meeqqallu sapaatik akunnerata naanerani meeqqap inuuissiornissaanut atatillugu qaaqqusissutinik allanniarpusi. Meeqqavi niviarsiaraq ataaseq peqataatikkusunngilaa, tassagooq: ”Sunulluunniit peqataarusunneq ajorpoq, nammineq naalagaaffiginngisaminut”. Inuuissiorninnut atatillugu qaaqquserusunngilanga  Emma ilaassappat!”Taava qanoq iliussavit?

 

Angajoqqaanut qitiusumik siunnersuutit Fri for Mobberimut atatillugu ukuupput:

 

1. Meeqqat tapersersortaruk meeqqat kikkulluunniit pinnguaqatigerusuttarnerani.

Meeqqannut misilittagaavoq pitsaasoq meeqqanik allarpassuarnik assigiinngitsunik pinnguarnermik misilittagaqarsinnaappat.

Aammattaaq illit qulakkeerinneqataaffigisinnaavat meeqqat meeraqatigiinniittut tamarmik pinnguaqatigiittarnissamik isumaqatigiissuteqartarnerat – taamaalillutillu ataatsimoornermut peqataanissaat qulakkeerlugu.

 

2. Meeqqat allat meeqqerivinni paaqqinnittarfinniittartut/atuarfimmiittartut angajoqqaaviluunniit ajortumik oqaluuserisassanngilasi.

Meeqqavit meeqqeriveqatigisartagaanik atuaqataanilluunniit ajortunik eqqartuisarneq meeqqanut akerliulernermik pilersitsisarput. Meeqqat tapersersortaruk inussiarnersuunissaanik tamanullu ammasuunissaanik. Kammalaativit atii tamaasa nalunngiligit? Tamassi meeraqatisi inersimasullu ilassisarpisigit ”hallomik/hejimik  oqarlusi, meeqqat aggiukkaangakku aagakkaangaluunniit?

 

3. Inuuissiortoqarnermi qaaqqusinermut atatillugu politikkileriutsi.

Inuuissiornerit meeqqanut isumaqartorujussuupput. Inuuissioraanni imaluunniit qaaqqusaagaanni. Meeraq qaaqquneqanngitsoq ”anniartarpoq”. Aamma meeraq qaaqqusigaluarluni orninneqanngitsoq anniartarpoq.

Angajoqqaat tulliani ataatsimiinneranni inuuissiortarneq pillugu politikki eqqartorsiuk.

 

4. Meeqqat allanik imminut illersorsinnaanngitsunik tapersersuerusuttoq illersuerusuttorlu tapersersortaruk.

Meeqqat meeraqatiminnit ajattorneqartut ikinngutigilluakkaminnik ikiorneqarnissaminnik qaaqquneqarnissaminnillu pisariaqartitsipput. Meeqqat meeraqatiminnik ikiuillaqqissut, tuppallersaallaqqissut, tapersersuillaqqissullu ilumikkut pissutsimigullu ”allisarput!”

 

5. Ammasuugitsi inussiarnersuullusilu angajoqqaat allat meeqqamik ajornartorsiutaat eqqartuiffigigaangatigit.

Imaannaaneq ajorpoq angajoqqaat ataatsimiinneranni nikuilluni oqaluttuarnissaq nammineq meerarisaq meeqqerivimmi atuarfimmilunniit nuannaanngitsoq pillugu, taamaammallu pinnguaqateqartarnissamik isumaqatigiissuteqarnissamik pisariaqartitsisoq pillugu.  Pitsaanerpaasarpoq angajoqqaat allat tusarnaarumasuugaangata.